Galicia asumiu, no seu Estatuto de autonomía as competencias en materia de augas e obras hidráulicas que lle corresponden dentro do marco prefigurado nos artigos 148 e 149 da Constitución. Así, Galicia ten a competencia exclusiva en obras públicas que non teñan a cualificación legal de interese xeral do Estado ou nas que a súa execución e explotación non afecte a outra Comunidade Autónoma, e en aproveitamentos hidráulicos, canles e regadíos, cando as augas discorran dentro do territorio da Comunidade (artigo núm. 12 do Estatuto), así como da potestade de autoorganización dos servizos que deberán ter ao seu cargo o propio exercicio. En consecuencia, estas competencias proxéctanse fundamentalmente sobre as bacías hidrográficas de “Galicia-Costa” xa que na do “Miño-Sil” predominan as estatais.
Como resultado destas ditas competencias créase Augas de Galicia como un organismo autónomo de carácter administrativo, adscrito á Consellería de Ordenación do Territorio e Obras Públicas, de acordo coa Lei 8/1993, do 23 de xuño, reguladora da administración hidráulica de Galicia. Así lle corresponden:
- A elaboración, o seguimento e a revisión dos plans hidrolóxicos.
- A administración e o control do dominio público hidráulico.
- A administración e o control dos aproveitamentos hidráulicos.
- O proxecto, a construción e a explotación das obras hidráulicas.
Polo Decreto 108/1996, do 29 de febreiro, no que se aproba o Regulamento do organismo autónomo Augas de Galicia, establécese na terceira disposición derradeira que a Consellería de Política Territorial, Obras Públicas e Vivenda fixará a entrada en funcionamento do organismo autónomo Augas de Galicia
unha vez aprobadas as correspondentes dotacións orzamentarias.
Na actualidade Augas de Galicia é unha entidade pública e empresarial da Xunta de Galicia, adscrita á consellería compentente en materia de augas, que se rixe polo decreto 32/2012 e exerce as súas funcións de acordo cos principios xerais establecidos no artigo 3 da Lei 9/2010, do 4 de novembro, de augas de Galicia. As súas grandes liñas de actuación son as seguintes:
- Utilización sustentable e racional da auga e contribución á preservación e mellora do medio ambiente e, en particular, dos ecosistemas acuáticos.
- Compatibilidade da xestión pública da auga coa ordenación do territorio, a actividade económica, a conservación e protección do ambiente e a restauración da natureza.
- Unidade de xestión e planificación da Demarcación Hidrográfica de Galicia-Costa.
- Participación das persoas usuarias, transparencia e información ao público en xeral.
- Eficacia na prestación dos servizos públicos de abastecemento, saneamento e depuración.
- Recuperación dos custos dos servizos relacionados coa auga, incluídos os custos ambientais, para acadar a suficiencia financeira do sistema no marco dun prezo asequible.
- Coordinación e cooperación entre as administracións públicas con competencias en materia de augas e obras hidráulicas.
- Garantía da calidade da subministración da auga urbana en defensa da saúde dos cidadáns e das cidadás.
Historia archivística
Os documentos producidos polos organismos estatais en Galicia nos ámbitos das augas e das obras hidráulicas pasaron, cos decretos de transferencias á comunidade autónoma (RD 1870/1985 e RD 659/1986) nos que estaba incluída a entrega de documentación e expedientes relativos aos servizos traspasados, a custodiarse nos locais da entidade Augas de Galicia. No ano 2014 esta entidade fixo a primeira transferencia ao Arquivo Histórico.
Alcance y contenido
Expedientes con documentación administrativa sobre a tramitación e documentación técnica dos proxectos de aproveitamentos de augas tanto para usos domésticos (consumo ou rego) como industriais (accionamento de muíños, serradoiros, obtención de enerxía eléctrica, etc.).
Clase de documento:
Textual
Condiciones de acceso
Condiciones de acceso
Descripción condiciones de acceso:
O acceso aos arquivos e rexistros administrativos é un dereito contemplado pola Constitución Española de 1978 (artigo 105, b). Este dereito, que ten as restricións establecidas na Constitución e nas leis, está regulado con carácter xeral pola Lei 39/2015 do Procedemento Administrativo Común das Administracións Públicas, do 1 de outubro -no que afecta á documentación administrativa- e pola Lei 16/1985, do 25 de xuño, do Patrimonio Histórico Español -no que afecta á documentación histórica. Estas restricións froito dunha busca do equilibrio con outros dereitos protexidos na constitución como os que afectan á seguridade, honor, intimidade da vida privada ou familiar ou imaxe das persoas, os segredos oficiais, ou a propiedade intelectual están reguladas por outras normas legais específicas. O exercicio do dereito de acceso comprende a consulta dos documentos e da información neles contida e a obtención de copias e certificados. Poderán facerse as solicitudes directamente na sala de lectura ou por medio de correo electrónico, correo postal, fax, teléfono ou internet. Por razóns de conservación poderá restrinxirse a consulta de documentos orixinais.
Normativa:
Trátase de documentación pública de titularidade autonómica . Ao estar depositados nun Arquivo, os documentos adquiren a condición de Bens de Interese Cultural (art. 50 da Lei 8/1995, de 30 de outubro, do Patrimonio Cultural de Galicia e 60 da Lei 16/1985, do 25 de xuño, do Patrimonio Histórico Español), pasando a gozar así do réxime de protección establecido nesas normas
Condiciones de reproducción
Condiciones de reproducción:
A reprodución de documentos está suxeita á Lei 6/2003, de 9 de decembro, de taxas, prezos e exaccións reguladoras da Comunidade Autónoma de Galicia, e polo Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.
Lengua:
Spanish; Castilian
Galician
Escritura:
Humanista
Mecanografada
Características físicas
Material en el que se registra la información:
Papel
Estado de conservación:
Bo
Descripción del estado de conservación:
En liñas xerais o estado e bo. Non obstante, existe un pequeno grupo de documentos en mal estado ao resultar afectados pola humidade.
Documentación relacionada
Existencia y localización de copias
Existencia de copias: No existen copias
Notas
Nota general
As concesións de aproveitamentos son só das bacías hidrográficas de "Galicia-Costa", xa que a do "Miño-Sil" é de competencia estatal.
Xunta de Galicia. Información mantenida y publicada en internet por la Xunta de Galicia